ياعـــرب الأ قصـــي يصـــرخ الي متـــي ؟؟

قطار احزان

كتبهاصلاح الصلاحي( الصعيدي) ، في 12 سبتمبر 2006 الساعة: 22:32 م

قطار الأحزان

بقلم م - رءوف أباظة 000 نقلا من الوعي المصري

يا مجبل يوم وليله من مصر للصعيد
اوشايل الف عيله
والدنيا ف جو عيد
شايل معاك أماني
وأبسط شكل لأغاني
وناس مش راجعه تاني
إلا ف يوم الوعيد
يا مجبل يوم وليله من مصر للصعيد
عربياتك فجيره وركابك غلابه
وعيون مليانه حيره وسؤال مالهوش إجابه
والعيد داخل عليهم و مروحين بعيد
يا مجبل يوم وليله من مصر للصعيد
جمعوا فرحه قليله
وإيدين ما فيهاشي حيله
و حمول والله تَجيله
تشيب شعر الوليد
يا مجبل يوم وليله من مصر للصعيد
حمول مافيهاش هدايا
دي حمول من الهموم

وشايل الف عيلة

والدنيا ف جو عيد

يا مجبل يوم وليلة من مصر للصعيد

شايل معاك أماني
وأبسط شكل لأغاني
وناس مش راجعه تاني
إلا ف يوم الوعيد
يا مجبل يوم وليله من مصر للصعيد
عربياتك فجيره وركابك غلابه
وعيون مليانه حيره وسؤال مالهوش إجابه
والعيد داخل عليهم و مروحين بعيد
يا مجبل يوم وليله من مصر للصعيد
جمعوا فرحه قليله
وإيدين ما فيهاشي حيله
و حمول والله تَجيله
تشيب شعر الوليد
يا مجبل يوم وليله من مصر للصعيد
حمول مافيهاش فيها غايه
والثانيه بألف يوم
شايلاها جلوب بسيطه
ياللي جلبك حديد
يا مجبل يوم وليله من مصرللصعيد
عشرات ع الأرض جاعده
وعشرات فوج الرفوف
وعشرات على دِكه جــامده
حكمت بيها الظروف
وانتا واخدهم وسارح
على سكه من حديد
يامجبل يوم وليله من مصر للصعيد
الليل داخل عليهم
والكل معاك ضيوفك
ولا شمعة تضوي ليهم
والضلمه ماليه جوفك
مفتوح من كل ناحيه
والبرد يا بوووووي شديد
يا مجبل يوم وليله من مصر للصعيد
وعشان ما البلوه تكمل
وتزيد بنا الإحزان
فيك نار ولًعها مهمل
إتحولت لنيران
كَلِت لحم الغلابه
وصهرت فيك الحديد
يامجبل يوم وليله من مصر للصعيد
ساعات والنار تاكلهم
وانت واخدهم وطاير
ولاحدش جام يجيرهم
ولا يطَفي السعاير
العار دا يكون مصيرهم
بعد العمر المديد
يا مجبل يوم وليله من مصر للصعيد
الدنيا بحالها قامت
إلا اللي مشغالينك
إذاعاتها علينا لامت
الندل اللي ما صانك
لوكانت أرواحنا غالية
كنت إنت بقيت جديد
يا مجبل يوم وليله من مصر للصعيد
يامجبل يوم وليله
مانتاش آخر البلاوي
دي حكايه بقت طويله
في عليل ومالوش مداوي
ويا شعب انت الضحيه واللي ناهبك سعيد
يا مجبل يوم وليله من مصر للصعيد
مسئول يطلع يقوللك
اسفين وعيوننا دامعه
ويشوف يوماتي ذٌلَك
وبرضه واكلها والعه
أنا باتمنى اللي جوا
كان يبقى المستفيد
وإن الغلابه تسلم
والشر يكون بعيد
يا مجبل يوم وليله من مصر للصعيد
طلع النهار أبكم
والوقفه في عرفة
مليون سؤال يلطم
يا حكومة مش شايفه
على مين ياناس نحكم؟
ع العبد واللا السيد
يا مجبل يوم وليله من مصر للصعيد
يا بهيه دواكي فيكي
ورجالك مش قليل
وإن طال الليل عليكي..
مايطولشي عليكي ليل
بكره السعد يوافيكي
والفجر أبو يوم جديد
يا مجبل يوم وليله من مصر للصعيد